Shillong, Nailar 01 : Ka kynhun ïalehkai jong ka Sacred Heart Boys Secondary School, Mawlai ka la rah ïa ka nam lahduh ha ka Inter-School East Khasi Hills District Judo Championship 2026 kaba la pynhap pyrda noh ha ka 01tarik mynta u bnai.
Ïa ka kyrdan ba ar ha kane ka lympung la ïoh da ka Valley View Secondary School, Pynthorumkhrah, katba Gandhi Bundyadi Hindi High School, Golf Link, ka la wan ha ka kyrdan ba-lai.
Ha ka liang jong ka Best Judo Player, ha ki shynrang la jied ïa Rochester Wahlang na Sacred Heart Boys Higher Secondary School, katba ha ka liang ki kynthei kane ka nam ka leit sha Daphika Kharnaidu na Sacred Heart Boys Higher Secondary School.
Ïa ka lympung la pynhap pyrda da u President ka East Khasi Hills Judo Association, Bah Balamphang S. Kharkongor, ha ka jingdonlang u General Secretary, Samla Sabinus Jasain, ki Executive Members jong ka Association, ki Principal bad ki nonghikai na ki 12 tylli ki skul kiba la wan shim bynta.
Na ka liang ki bor pynïaid ki la ong ba kane ka Championship ka long ban pynshlur bad plie lad ïa ki samla pule ba kin pynpaw ïa ka sap ïalehkai Judo ba ki don bad ban kyntiew ïa kane ka jingïalehkai ha ka distrik.
