Jowai, Naitung 07: Ka ophis jong u Superintendent of Police, West Jaiñita Hills District kala pynmih ïa ka jingpynbna paidbah ha ka jingïadei bad ka rukom pynïaid kali ha ka 8 bad 9 tarik ha nongbah Jowai katba dang ïaid ka jinglehñiam shad Behdieñkhlam jong ka Seiñ Raij Jowai, khnang ban pynsuk ïa ka leit ka wan bad ban lait na ka jingsahkut kali ha kitei ki ar sngi.
La pyntip ruh ba haka sngi pynkut ïa ka Behdeiñkhlam ha ka 9 tarik katkum ka jingpynbeit na ka liang u Myntri Rangbah jong ka jylla Assam u Dr. Himanta Biswa Sarma un wan sakhi kum u kongsan.
Ka jingpynïaid kali ha ka 8 tarik kan long; ka don ka jingkhang No Entry naduh ka por 9:00 AM haduh 11:30 AM na ki bynta jong ka Loomsooiung (New Hill) sha Iawmusiang,- H.K. Singh – Chutwakhu – Khliehchnong haduh Chiliangraij.
Ha ka por 12:00 shiteng sngi haduh ka por 4:30 janmiet kan don biang ka No Entry na Loomsooiung (New Hill) sha Iawmusiang – Stand War – Mynthong (District Library). Kumjuh na Mission Compound sha Iongpiah.
Ha kane ka 8 tarik kin don ruh ki No Parking Zone (bym shah ban pynïeng kali), kata ha ki bynta jong ka Iawmusiang, Stand War, Mission Compound Road bad ka Iongpiah Road.
Ha ka 9 tarik; Yn shah ban ïaid tang shiliang (One Way) na DC Point sha Mission Compound (CHC Point) – Chiliang Raij (Ummakah / Aitnar Jn) – Chiling Raij shaduh Umshangiar. Na Chiliang Raij (Ummakah Road / Aitnar Jn) sha Chutwakhu shaduh Jrisaleiñ Junction. Na Mission Compound Road sha Tpeppale. Na Mission Compound Road sha Iongpiah Road – Dulong (Kdohhati). Na Loomiongkjam Jn sha Iongpiah Road shaduh Dulong (Kdohhati).
Kan don pat ka jingkhang No Entry na Jrisaleiñ Jn sha Chutwakhu Road – Chiliang Raij Road shaduh Chiliang Raij (Ummakah / Aitnar Jn).
Na Riat Iongpiah shaduh Aitnar, na Loomiongkjam Jn sha Aitnar. Na Umshangir Jn (Khimusniang) sha Chilliang Raij (Ummakah / Ainar Jn).
Na Iongpiah Road sha Panaliar (Old Civil Road). Na Dulong sha Iongpiah Internal Road bad ruh na Dulong (Kdohhati) sha Iongpiah Road.
Ki jaka kiba lah ban pyïieng kali tang shiliang surok (One-side Parking) kata ruh tang ïa ki kali ba don Pass, ki long ha Chiliang Raij (Ummakah / Aitnar Jn) sha Chutwakhu Road – Jrisaleiñ Jn. Sa ka wei na Mission Compound (CHC Point) sha Iongpiah Road hajan Church of God.
Ka jaka pynïeng kali na ka bynta ki VIP, kawei ha Aitnar Jn sha Chiliang Raij Road shaduh Umshangiar Road baroh shi lynter tang shiliang surok. Kawei pat ha Aitnar Jn sha Chutwakhu Road ha baroh ar liang surok.
Yn ym shah ban rung kino kino ki kali shapoh Aitnar.
Ki jaka ba shah ban pynïeng kali paidbah kin long ha madan Jrisaleiñ na ka bynta ki kali Medium bad Heavy, ha ki Parking lot kiba don ha Iawmusiang, ha ki bynta jong ka Thomas Jones Synod College tang shiliang surok bad ha Wah Gate yn shah pynïeng kali tang shiliang na ka bynta ki kali rit.
Ki jaka bym shah ban pynïeng kali ki long ha Lad DC – Lad SP – Stand War – shaduh Mynthong Road. Na lad DC sha District Council- Iawshyiap – lad H.K. Singh shaduh lad Jrisaleiñ. Na Wahnangbah shaduh Tpep-Pale, Na DC Point sha Mission Compound shaduh Chiliang Raij (Ummakah / Aitnar Jn).
