Shillong, Naitung 04: Ka lympung ïalehkai U-20 Fourth Division Football League 2026 ba la pynïaid da ka Shillong Sports Association (SSA) ka la jam mynta sha ka Quarter final, ha kaba ka Laitlyngkot SC bad ka Nongkseh United ki la pynkut ïa la ki jong ki jingïakhun pre-quarterfinal league stage da ka jingjop ha ka sngi Saitjaiñ.
Ka Laitlyngkot ka la pynliem noh ïa ka Weilyngkut Area FCC da 1-0 lyngba ka kol ba la thep da u Nangtei Rynjah (43’). Kumjuh ka Nongkseh United ruh ka la jop da tang 1-0 pyrshah ïa ka Sei La Sap FCC lyngba ka kol ba la thep da u Gerrard Sun (68’).
Da ka jingpykut ïa ka pre-quarterfinal league stage ka SSA U-20 Fourth Division 2026 kan jam mynta sha ka Quarter final, ha kaba ka Iatylli SC kan aireng pyrshah ïa ka Golfling SC ha kane ka sngi Nyngkong (06 tarik Naitung) ha ka por 4 baje janmiet ha SSA Stadium.
Ha ka 07 tarik Naitung ka jingïakhun Quarter final kan long hapdeng ka Mawpdang SC pyrshah ïa ka Them Rangskhen SC; nangta ha ka 08 tarik Naitung ka Laitlyngkot SC pyrshah ïa ka Sei La Sap F&CC; ha ka 09 tarik Naitung ka Nongkseh United FC kan aireng pyrshah ïa ka Weilyngkut Area FCC.
Baroh ki jingïakhun kin long ha madan First Ground-SSA Stadium bad kin sdang ha ka por 4 baje janmiet.
