Mih uwei, shispah kin rung sha ka Congress ong u Adhoc President hadien ba mih noh u Bah Rocky

Nongpoh, Naitung 04: U Bah CB Syiem Adhoc President ka seng Congress mynta ka sngi u la ong ba ka jingmih noh u Bah Rocky Marweiñ naka seng Congress kam don jingktah eiei ïaka party, ha kaba kin don shispah ki ban rung ban pyndap ïa katei ka jaka.
Haba kren sha ki lad pathai khubor u Bah CB Syiem u la ong ba ka seng Congress ka dei ka ka seng kaba la rim kaba la leh shibun kiei kiei kiba la wanrah ki jingmyntoi ïaki paidbah haka synshar khaddar bad lyngba ka jingpynmih hukum jong ka MPCC ngin sa lum sa lang biang ïaki briew ha Ri-Bhoi naka bynta ka jingkhlaiñ ka party ha Ri-Bhoi.
Haba ïadei bad ka bye election ka ban sa wan naka liang u Bah CB Syiem u la ong ba ki riew ieid ïaka seng congress ki dang bun hynrei donkam tang ban wer bad ban lum ban lang bad ka don jingkyrmen ban jop.