Nongpoh, Naitung 03: Ka samla Audreyna Syngkli na shnong Umden Nongtluh, Ri-Bhoi District, kala ïoh pdiang ïa ka kyrdan Doctor of Philosophy (Ph.D.) haka subject Education na North-Eastern Hill University (NEHU), Shillong.
Katei ka samla kala ïoh ïa kane ka kyrdan hadien ba ka la pyndep ïa ka jingwadbñiah (thesis) kaba ai kyrteng “Management and Leadership Styles of Higher Education Institutions in Meghalaya” hapoh ka jingïalam ka Prof. C. Nongbri kum ka Supervisor bad ka Prof. Ibadani Syiem kum ka Joint Supervisor.
Ka samla Audreyna Syngkli ka dei ka khun jong u Bah Morismol Khymdeit bad ka Kong Chester Syngkli na Umden Nongtluh, Ri-Bhoi District bad mynta ka trei kum ka Assistant Professor ha ka Department of Education ha Ri-Bhoi College, Nongpoh.
