Shillong, Naitung 02: Ka Meghalaya Energy Corporation Limited (MeECL) ka la phah ïa ki nongtrei ban ot ïa ki waïar kiba la wah rynjaiñ ha ki dieng post elektrik kiba don ha ki thaiñ khyndailad ïa kaba la sdang mynta ka sngi ban ot.
Katkum ki khubor kiba la ïoh ka daw jong ka jingphah ot noh ka dei namar ba kila shu wah rynjaiñ bad kane ka la wanrah ïa ka jingwit ïa ka leit ka wan ki briew, ki kali bad kiba la pyn jaboh jabaiñ ïa ka madan madiah.
Kumba ka long baroh la ïatip ba ka khyndailad ka dei ka pdeng jong ka nongbah Shillong ha kaba ki nongwan jngohkai pyrthei bad kumjuh ki paidbah nongshong shnong ki ju leit ban leit ïaid kai pyngngad ha khyndailad bad ka jingdon kine ki waïar kiba wah rynjaiñ kila pyni jaboh ïa katei ka jaka.
Ka jingot ïa ki waïar ka dei tang ïa kito kiba khlem pyndonkam shuh hynrei la shu ieh ïa ki rynjaiñ, hynrei ïa ki waïar kiba dang pyndonkam la buh ïa ki bad la teh bha khnang ba kin nym saphret ha ka jaka ba la teh ïa ki.
