New Delhi, Lber 23 : Ka Kong Hasina Kharbhih, kadei kawei na ki 75 ngut ki longkmie kiba shah pynkup burom ha ka NITI Aayog halor ka jingnoh synñiang jong ki kum ki longkmie ban wanrah jingkylla ha ka ri (Women Transforming India )
Katkum ka kyrwoh na ka PIB, la ong ba ki longkmie ki don ka bynta kaba khraw ban pynkylla dur ia ka India sha ka ‘Sashakt Aur Samarth Bharat’.
Kumta, kum ka dak ka jingithuh na ka bynta katei ka jingjop jong kitei ki longkmie ha ki liang bapher bapher, ka NITI Aayog ka la pynmih da katei ka Women Transforming India Awards.
Mynta u snem, kum shi bynta ka Azadi ka Amrit Mahotsav kaba long shi bynta ka jingrakhe ia ka jingdap 75 snem ka Ri, na ka liang ka NITI Aayog ka pynkup burom ia ki 75 ngut ki longkmie kynthup lang ia ka Kong Hasina Kharbhih na Shillong namar ka jingdon bynta jong ka bad ka Impulse NGO Network.
