Nongpoh, Jylliew 22 : Ki bor district jong ka Ri-Bhoi District kila kyntu ïaki paidbah ban phikir bad peitngor ha kine ki khyndiat sngi namar ka jingjur slap ha kine ki khyndiat sngi ryngkat ka lyer, leilieh bad u pyrthat.
Naka liang ki bor district kila kyntu ba ki paidbah kim dei ban khein sting hynrei ban peitngor ïaki tiar ki tar kiba shong synjor namar ka lyer bad u slap ki lah ban khyrwit ha kano kano ka por, ki paidbah kim dei ban leit shajan ki wah namar ka lah ban wanrah ïaka umsaw ha kano kano ka por.
Haba ïadei bad ka bording ki paidbah ki dei ban phikir ban pynlip namar ka jingdon u pyrthat bad kiar ban leit sha ki jaka ba don ki post elektrik ban lait na kino kino ki jingjia ba sngewsih ne ki jingmynsaw.
La pyntip ruh sha ki paidbah ba lada donkam kano kano ka jingujor ne jingmynsaw pyntip sha u number 112 bad naka bynta ki jingjia ba kyrkieh ki dei ban phone ha u number 6009906348.
