Shillong, Jylliew 19: Ki bor pynïaid district jong ka East Khasi Hills ki la pynbna ban pyrkhing ïa ka jingleit ka jingwan ki nongjngohkai pyrthei sha u Lum Shyllong ha ka 20 tarik Jylliew kaba dei ka sngi Saitjaiñ mynta u bnai.
Katkum ka jingpynbna, na ka liang u Deputy Commissioner ula pyntip ba ïa ki nongjngohkai yn shah ban leitkai sha Air Force Station ha Laitkor Peak tang naduh ka por 7 baje mynstep haduh 11 baje mynstep.
U pyntip ba ka jingpyrkhing ka dei namar ka jingwan jong u Myntri kam Ïada Ri ha Air Force Station, Laitkor ha kane hi kajuh ka sngi.
Shuh shuh ka jingpynbna ka ong ba hadien 11 baje mynstep, yn ym shah shuh ïa ki nongjngohkai ba kin rung sha phyllaw ka Air Force Station bad kan treikam baroh shi sngi.
Na ka liang u Deputy Commissioner u la kyntu ïa ki nongjngohkai bad ki nongleitkai ba kin ai ka jingïatreilang bad kane ka jingpynbeit ba shipor ha kane ka sngi.
