Jowai, Naitung 20: Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Jowai.
Haba phai sha ka jingïakhun hapdeng ka Caroline Colony pyrshah ïa ka Pynthorlangteiñ, kala poi noh sha ka jingïakhaid da mar 1-1 kol. Ïa ka kol ba nyngkong la thep shwa da ka Caroline Colony ha ka minit ba 33 da u rangïalehkai jong ka u Banang Dkhar.
Katba na ka liang ka Pynthorlangteiñ kala lah ban pynphai kylla ïa katei ka shikol lyngba u Belson Lipon ha ka minit kaba 78 jong ka kylla miet bad haduh ba kut jong ka jingïakhun kala neh da mar shikol.
Ka jingïalehkai lashai ka sngi 21 tarik kan long hapdeng ka Khliehïongriang pyrshah ïa ka Dongmihsngi ha ka por 3 baje nohphai sngi.
