Ka la don ka jingkiew ha ka jingdon ki jaka pynlang um ha EJHD: Kyrmen

Khliehriat Lber 23: Haba kren ha ka prokram jong ka World Water Day ba la khot pynlong da ka tnat District Water and Sanitation Mission, ha St Anthony’s College Extension Byn dihati, u bah Kyrmen Shylla, uba dei u myntri sorkar bad kumjuh ruh u MLA ka thaiñ u la ong ba mynta ka la don ka jingkiew ha ka jingdon ki jaka pynlang umbam um dih ha East Jaintia Hills District kiba la lah ban pynpoi um sha ki thliew ïing bad sha ki dukan bad u la kyntu ruh ïa ki paidbah ba ki dei ban pynneh pynsah ïa ki tyllong um ban pynlang ïa ki um na ka bynta ki jingdonkam ha ka jingim.
U la iathuh ruh ba ka sorkar ka la iohi ïa ka jingtrei shitom jong ki nongtrei ka tnat Public Health Engineering khamtam ha kaba ïa dei bad ki skim bapher bapher kiba la dep pyllait ïa ka mang tyngka kum ka Greatrer Rymbai Water Supply Scheme kaba la jan dep pyntrei, ka Synrang Umlawe Combined Water Supply Scheme, ka Ummyrho Combined Water Supply bad kiwei kiwei ki skim ha ki shnong bapher bapher.
Haba kren halor ka jingbuh thong ka sorkar ban pyn poi umbam um dih ha ki shnong kyndong kiba lyngba ka skim sam um bam, ka Jal Jeevan Mission, u bah Kyrmen Shylla u la ai ka jingiaroh ïa ka jingtreikam ki nongtrei ka tnat PHE bad u la ai mynsiem bad kitbok kit rwiang ïa ki ba kin nang ban trei kham bha shuh shuh ban dup lah ban poi sha ka thong.
U Deputy Commis sioner ka East Jaiñtia Hills District, u Abilash Banarwal, IAS, u la ong ba ki um pohliew kiba mih na ka mariang ki dei kiwei pat ki tyllong um, lada ïa ka tyllong umbam umdih la shah pynjakhlia lane lada duna ka um na ki tyllong um kiba sam um, u la kytu ruh ban sumar bha ïa ki tyllong um bad ym dei ban bret jakhlia bad ong “Ka synjam kaba ha khmat eh ka long ban thung ïa ki dieng ba ki um ki wah kin neh bad ban long kiba phikir ban nym pyntuid pathar ïa ki um jakhlia”.
U Estate Manager jong ka company Star Cement, u J.K.Singh, u la ai ka jingkren halor ka phang kumno ban pynkhuid (Filtration) ïa ka um.
Kiwei kiwei pat kiba la ai jingkren ki kynthup u Executive Engineer ka tnat PHE, Electrical Division Jowai, u bah P.Synnah, u SDO jong ka tnat PHE Electrical Sub-Division Rymbai, u bah R.Nongtdu, u SDO jong ka PHE (RWS) Khliehriat Sub-Division, ka kong Miio Dkhar bad kiwei kiwei.
Ha kane hi ka sngi, u bah Kyrmen Shylla u la plie ïa jingiakop jong ki skul, ka World Water Day exhibition competition kaba dei ruh shi bynta jong ka jing rakhe ïa kane ka prokram.