500 klur mang ka sorkar na ka bynta ka New Shillong Water Supply Scheme: Marcuise

Shillong, Jylliew 14: U Myntri Sorkar ba peit ïa ka tnad Public Health Engineering (PHE) u Marcuise N Marak u la pyntip ba ka tnad kala dep ban mang haduh 4-5 spah klur na ka bynta ka New Shillong Water Supply Scheme ha ka thain New Shillong Township.
Haba kren ha ka jingïalang ban buh mawnongrim na ka bynta ka skhim sam umbam umdih ha ka Dong Lumshngain kaba hap hapoh ka Dorbar Shnong Rynjah, u Marcuise u la ong, kane ka skhim ka kynthup ïa baroh ka Shillong Township ha ryngkat bad ïa ki 32 tylli ki shnong kiba don ha katei ka thain.
Shuh shuh u Marcuise u la pyntip ba lyngba, “Ka Greater Shillong Water Supply Scheme ka tnad PHE kala thmu ban dang pyniar shuh shuh ia ka jingsam um ba ka ban kynthup ïa ka thain Nongthymmai, Laitumkhrah bad ïa kine ka dong ka thain ba marjan hi baroh kawei”.
“Ngi lah sdang ïa ka kam da kaba lah pynkhreh ïa ka DPR bad tang shu dep ngin ïaid sha khmat ban mang pisa, kine baroh kidei hapoh ka jingialam lynti jong u Myntri Rangbah ka jylla u Conrad K Sangma” ong u Marcuise.
Shuh shuh u Marcuise u la ong, Haba ki myntri sorkar ki kwah ha ki tnad trei kam bapher bapher u da sngap bha ïa ka jingdawa bad khlem pynslem u la ai ka mag tyngka katkum ka jingdonkam.
U la ong ba kane ka sorkar kala shim khia ha kaba iadei bad ka skhim na ka bynta ban sam umbam umdih ha baroh kawei ka nongbah Shillong.
U Marcuise u la ong, Kum ban shu pynkynmaw shaphang ka Greater Shillong Water Supply Scheme ïa kaba la sdang naduh u snem 2008 bad shen yn sa lah ban pyndep mynta, Kane ka project lah dei ban dep hynrei ki don ki jingeh kaba la pynlong ban sahkut.
“Khlem da shongthait ka sorkar suki suki ka trei bad ngi la lah ban pynbeit ne weng ïa kita ki jingeh bad mynta kane ka project ka lah jan ban dep bad ngi kyrmen ba u financial year 2027 jong u bnai Lber ngin sa lah ban pyndep” ong u Marcuise.
U la ong, “Da lah dep kane ka project ngin sa lah ban weng ïa ka jingeh jong ka jingkyrduh um ha nongbah Shillong ïa kaba ki paidbah nong shong shnong ki ju mad bad kynduh jingeh”.