Shillong, Naitung 19 : U Chief Executive Officer (CEO) Shillong Municipal Board (SMB) ula pyntip sha baroh ki nongshong shnong hapoh u pud u sam jongka SMB ba ka sorkar kat kum ka jingpynbna na ki kyndon jongka Plastic Waste Management (Amendment) Rules 2021 ka la khang ban pyndonkam, ban die ïa ki plastic kiba don jingbat ne ki bym don ruh kiba ka jingrben ka long 40 microns.
Kiba la khang ban pyndonkam ki long naduh ki jingpynkhuid shkor ba don jingbat plastik, ki jingbat balloon da ki plastik, ki lama plastik, ki jingbat ice creame da ki plastik, ki polystyrene kiba pynriam pynbeit, ki pela plastik, pliang plastik, ki klass plastik, ki proh, shamoit, tari, tray, ki invitation card, sikret paket, banners, straw, bad ter ter. Kino kino kiba leh pyrshah bad dang ïai bteng ban die bad pyndonkam kin shah daiñ kuna bad ïa ki tiar yn kurup lut da ki bor ka aiñ.
