Shillong, Naitung 19: U President ka People’s Democratic Front (PDF) u Bah Banteidor Lyngdoh u la ong ba ka jingkyntiap seng ha shwa ka election kan long thik kumba leit noh ïap hi da lade bad lame ka jingkren jongu ka long ïa kito ki MLA ka seng kiban ïakhun na kiwei pat ki seng ha ka ilekshon MLA ha u snem 2023.
Kane ka jingkren jong u Bah Banteidor ka long hadien ba ka la mih ka khubor hamsaia ba ki laingut ki MLA na ka seng PDF ba kynthup ïa u Bah Hamletson Dohling MLA nka Mylliem, Jason S Mawlong, MLA Umsning bad u Bah Gavin Miquel Mylliem, MLA Sohra ba ki thmu ban ïakhun na kiwei pat ki seng ha ka ilekshon kaba wan.
U Bah Banteidor u la ong ba kane ka khubor ka don tangba kam pat shai la kine ki MLA kin phet shisha ne em kumba la kam. Shuh shuh u la pynkynmaw ruh ba baroh kine ki MLA kiba jop ki dei ruh kiba dang shu jop nyngkong ha ka ilekshon ha u snem 2018 na ka tiket jong ka seng PDF.
“Lada kine ki MLA ki phet ka pyni shai ba kim long satia kiba don ka mynsiem sngewnguh lada ki phet na ka seng, ka shong ruh ha ki ban rai tangba lada dok da bishar janai nga i tieng ïoh kane kan dei pynban kumba noh ïap da lade” ong u Bah Banteidor.
“Lada phi ong ba donkam ban phet seng bad ïa ka shap, nga sngew syier ïoh ba kan ktah lawei ha saiñ hima jong ngi bad kan long kum ka jingnoh ïap ïa lade” bynrap u Bah Banteidor.
Shuh shuh u la ïathuh ba na ka liang ka party ka dang pyrshang ban ïakren bad kine ki MLA ha kaba ïadei bad kine ki MLA u la pynpaw.
U Bah Banteidor u la kam ruh ba kat haduh mynta kam pat don satia kano kano ka jingkynnoh bamsap ïa uwei ruh u MLA ka PDF bad ruh ba ka party kam ju shong kli kti hynrei ka pyrshang ban ïakren ïa kino kino ki mat kiba ktah ïa ka jylla.
Haba pynpaw ïa ka jingsngew diaw halor ka jingpyrshang ki seng ba la khlaiñ ban pynduh pyndam ïa ki seng saiñ pyrthei kiba kham rit u Bah Banteidor u la kdew ba ba ki seng saiñ pyrthei kiba rit makna ki don ki mat kiba ki ïeng kiba ki seng heh ki hap ban burom.
Shuh shuh u Bah Banteidor u la pdiang ba ka National People’s Party (NPP) ka wan khroh ïa u ba un pynïasoh bad ka hynrei u ïathuh ba na ka liang jong u u la kyntait beit war ïa ka jingwan khroh jong ki.
“Nga la kren da kaba shai ha u Myntri Rangbah bad u Symbud Myntri Rangbah ba ngan ym treh rung satia bad ka NPP hynrei ngan neh triang bad ka PDF” ong u Bah Banteidor.
Haba ïadei pat bad ka jingpynkreh ka PDF ïa ka ilekshon u Bah Banteidor u la ong “ha u bnai Nailar ngin pynbna ïa ki kyrtong kiban ïakhun na ka seng PDF kiba kynthup ïa nga ruh”
Shuh shuh u Bah Banteidor u la ong ba kam donkam satia ban pynïakhun kyrtong na baroh ki constituency hynrei ka party ka peit ïa ka jinglong ba kynsai ki kyrtong kiban ïakhun na ka PDF. not necessarily the party will field from all 60 seats as it believes in the need to ensure quality candidates who have the heart to serve the people and the state. “Kum ka party ngin pyrshang ban pynkhlaiñ ïa ka ka seng khnang ba ngin lah ban pynjop kham bun ki MLA ha u snem 2023″ u la bynrap.
