Nongstoiñ, Naitung 18: Ïa iwei I khunlung kynthei I ba la shu bret da ki briew bym lah ban tip ha kawei ka jaka kaba la tip kum ka Keiñlangsaw, na ka liang ka ophis jong u District Child Protection Officer Nongstoiñ, pyntip ba I ne I khunlung I don hapoh ka jingpeit, jingkhmih bad ka jingsumar jong ka Specialized Adoption Agency ha Tiehsaw Nongstoiñ.
Kumta na ka liang ka District Child Protection Unit, ka la kyntu ba lada don kiba haїing hasem jong ka kmie kaba bret, kin sngewbha ban wan shim noh їa itei I khunlung hapoh hynriewphew sngi da kaba phone u number 8258076014 kaba dei ha ka District Child Protection Unit Nongstoiñ. Nangta Child Welfare Committee Nongstoiñ ha Special Adoption Agency u number 8787475664 lane ha Specialized Adoption Agency Number 6009678142/9862634887. Lada ym don ba wan shim hapoh katei ka por ba la buh, їa itei I khunlung yn pynbna katkum ka aiñ ba kino kino ki briew ki lah ban ting khun їa I.