Shillong, Naitung 18: Ka Shiilong Cantonment Board (SCB) ha ka sngi Nyngkong jong ka 18 tarik ka la kyndang bad pynpra naphang da ka puh shilum ban pynpra noh ïa ki ïing bad ki dukan ba tei be-aiñ ha ha Kat Building kaba don ha Mawbah (Jhalupara).
Ha kane ka jingleit kyndang ki nongtrei ka SCB ka don ruh ka jingpyrshah na ki briew kiba shong basah ha katei ka jaka. Hynrei ki nongtrei jong ka SCB kim shem la pynsngap satia bad ki hukum ba kito kiba shong ba sah ha kane ka jaka ban sei lut ki tiar ki tar ha surok bad mar mar tang hadien katto katne por ki puh shilum kin la jynratna phang ïa ki jingtei ha kane ka jaka.
Ha kane ka jingleit pynpra ka SCB ka don ruh ka jingïam kthang na kito kiba shong ba sah ha kane ka jaka hadien ba ka Puh Shilum ka pynpra ïa ka ïa ka iing ka la tei be-aiï.
Kane ka jingkyndang ka la long ha ka bor kumba 10 baje mynstep ha ka jingdon lang u majistor, ki Pulit bad ki CRPF.
Katkum ka jingïoh lum jingtip, ki don kumba 30-35 tylli ki ïing sah kiba la shah pynpra bad 10 tylli ki dukan kiba don ha kane kane ka jaka.
U Bah Vicky Lyngwa uwei na kiba shong ba sah ha katei ka jaka u la kynnoh ba ka SCB kam shym lah phah jingpyntip eiei sha ki bad ka lah shu wan leh donbor bad u la ong ba kane ka long ruh ka jingpynkheiñ ïa ka hok long briew man briew.
“Ngi sngewthuh ba kane kadei ka jaka jong ka sorkar hynrei lada kheiñ ïa ka longbriew manbriew, ka board ka lah dei ban sngewthuh lem ïa ngi bad ban ai por ba ngin rah ïa ki tum ki tam” ong Vicky Lyngwa
