Kyrpad ka Union of Cook cum Helpers na u CM ban pyllait noh ïa ka pisa ba dang sah 3 bnai

Jowai, Jymmang 07: Ka Union of Cook cum Helpers PM POSHAN Meghalaya, Shillong hapoh ka jingïalam ka kong Gina Nengnong President ka la khot meeting CEC kaba la long mynta ka sngi 7 tarik u Jymmang, ha shnong Mawtneng Ri Bhoi District.
Ha kaba ki nongkitkam na ki District, ki C&RD Block ka jylla Meghalaya kila wan shim bynta shitrhem ha kane ka jingïalang, ha kaba kila shim ïa ka rai ban leit kyrpad jur ïa u Conrad Sangma uba dei u myntri rangbah ka sorkar jylla uba bat ïa ka pla tyngka (Finance) ban pyllait noh ïa ka honorarium kaba dang sah ha ka dor kaba tang 2000/- shi bnai naduh u bnai Rymphang – Iaiong 2026.
Kumjuh ruh ban kyrpad ïa u Narendra Modi myntri rangbha duh ka Ri bad ïa u Dharmendra Pradhan Union Minister i/c Ministry of Education ka sorkar India ban pyntikna ban pynkiew noh ïa ka pisa naka bhah ka Sorkar pdeng kumba ka union kala dep phah jingthoh manla ka por, kaba sah kut haduh mynta la palat 10 snem kaba dei tang 900/- shi bnai na ka bhah ka Sorkar India sha ki jylla ka thaiñ shatei lammihngi.
Halor kane ka seng ka kyrpad jur ïa u Conrad K Sangma CM kumba u la dep lehbha ïa ki Cook ha ki snem ba la dep, ban ïarap ïa kren bad u Myntri Rangbah duh ka ri na ka bynta ka thaiñ shatei lam mihngi ka Ri India.
Katba ha kito ki School ba la duna ka Enrollment la kyrpad ïa u myntri ka tnad pule puthi ka sorkar jylla u ma Lahkmen Rymbui ban transfer ruh ïa ki Cook cum Helpers sha ki School ba bun khynnah kumba la leh lang ïa kiwei ki nonghikai.