Ha ka sien kaba ar ai jingïarap u samla Lamdame Shangpliang ïa ka longkmie ha Jowai

Jowai, Jymmang 04 : u samla Lamdame Shangpliang uwei na ki samla na ri Lum Jaiñtia uba ju don ka mynsiem ban ai jingïarap ïa kiba bun ki paradoh parasnam kiba don haka jingkyrduh bad shitom, mynta ka sngi 4 tarik u Jymmang ula bteng ban ai jingïarap biang haka sien kaba ar ïa kawei ka longïing ha Jowai.
Na ka liang u samla Lamdame ula ong ka jingbteng ïa kane ka long da ka jingngeit ba ka kam shakri ïa ki para briew ka dei ka kam bala ai kyrpang da U Blei ïa u bad mynta ka sngi ula synñiang da ka song pisa kaba 10 hajar tyngka sha katei ka longkmie ha Jowai, kaba la pynpaw ka jingsngewnguh kaba khraw eh ïa utei u samla ula ba bteng ban ai jingïarap biang ïa ka hapdeng ki jingeh ba bun.
Shuh shuh kala kitbok kitrwiang ïa utei u samla ba un dang lah ban bteng ïa kane ka kam babha da ka jingdon ryngkat U Blei haka jingim jong u. U samla Lamdame ula pyntip haduh ka jingdap 24 snem mynta un dang bteng ïa kane ka kam synñiang sha ki briew kiba donkam shisha ka jingïarap.