Ha kylleng ka Garo Hills yn buh ïa ki rehab centre, hiar jurip hi u Director ka DREAM ïa ka jaka

Shillong, Ïaïong 24: Ka Drug Reduction, Elimination & Action Mission (DREAM) kala nang pynkhlain shuh shuh ïa ka jingialap ban pynsngewthuh sha ki paidbah pyrshah ïa u droks bad ban ïakren ha kaban seng ïa ki rehabilitation centre ha kylleng ka ri-lum Garo, ong u Director ka Mission Bah Francis Kharshiing ha ka sngi Thohdieng.
Katkumka kyrwoh khubor u Bah Kharshiing u la ong, “Ka DREAM kala shim ia bun ki lad shakri kiba kongsan ha kylleng ka ri-lum Garo ha ka 23 bad 24 tarik Iaiong 2026, kaba nang pynskhem ia ka jingkut jingmut jong ka ban wanrah ia ka jingiatreilang ban iakhun pyrshah ia u droks ha ryngkat ki shnong ki thaw”.
Ha ka 23 tarik Ïaiong, ka DREAM kala leit ban jurip ïa ka jaka ban tei ïa ka rehabilitation cenre ha West Garo Hills, ka ban seng da ka Baptist Church.
U Bah Kharshiing u la ong, Kane ka jingthmu ka dei ka dak jong ka sienjam kaba kongsan ban pynkhlain ïa ki jingtei jong ki rehabilitation centre ha ka thain lyngba ka jingiatreilang bad ki kynhun Balang.
Mynta ka sngi Thohdieng, u Director ka DREAM ula pyniaid ïa ka jingialang high level hapoh ka Ophis u Superintendent of Police, West Garo Hills, Tura.
Ha kane ka jingialang la wan iashimbynta da u Deputy Inspector General of Police, Western Range, Deputy Commissioner, Superintendent of Police ka West Garo Hills, District Social Welfare Officers, ki NGO ba iatreilang hapoh ka DREAM bad ki nongmihkhmat na ki Balang bad ki sengbhalang na baroh ki District kari-lum Garo.
“Kane ka jingialang ka la pynleit jingmut halor ka jingpynkhlain ïa ki lad treikam da ka jingiatreilang, ban pynïar ïa ka jingthmu ka DREAM hapoh kane ka dong ka thain” ong u Bah Kharshiing.
La ban jur ban pyniar ia ka jylli treikam ki kynhun ba don bynta ban pynkhlain ïa ki jingialap pyrshah droks bad pynkloi ia ka jingseng ia ki rehabilitation centre ha kylleng ka ri-lum Garo.