Buh thong ka BJP ban jop 15 ngut ki MLA ha u 2028, 5 ngut tang ha Shillong ong u bah Hek

Shillong, Iaiong 24 : U Nongïalam ka BJP bad MLA ka Pynthorumkhrah u Bah AL Hek ha ka sngi Palei ula ong ba ka BJP ka dang pynkhreh ban nang ïai suhthied ha kylleng ka jylla Meghalaya hashuwa ka elekshon Assembly ha u 2028, haba buh thong ban jop 15 ngut ki MLA bad tang ha nongbah Shillong ka buh thong ban jop 5 ngut.
“La ka dei ka sor Shillong, East Khasi lane ri-lum Jaintia, ngin nang pyniar ïa ka BJP ha ka Jylla baroh kawei” ong u Bah Hek haba ïakren bad ki nongthoh khubor.
Ula ong ba ki nongtrei jong ka party kila treikam ha ki shnong ki thaw ban pynkhlaiñ ïa ka party.
“Baroh ki nongïalam bad ki karyakartas ki la treikam bha ban poi sha baroh ki jaka bad ki constituency khnang ba ha ka elekshon 2028, ka BJP kan lah ban leh bha” ula ong.
Haba kylli halor ka jingkhein antad ïa ka jingjop, u Bah Hek ula ong “Ym duna ïa ka 10 lane haduh 15 ngut ki MLA ngin jop. Ha shillong, ngin jop beit 5 ngut.