Shillong, Ïaïong 24: Ka khubor ba la ïoh na ki pulit la ïathuh ba ha ka 23 tarik mynta u bnai ha ka por 7 baje mynstep, ki pulit ki la ïohpdiang ka jingpyntip ba ki runar bym lah ban ithuh ki la tuh kawei ka scooter kaba don u nombar ML-05Y-3086 kaba long trai da u Krishna Das, na Motinagar, Shillong.
Shuh shuh ka Kong B Dkhar ha ka 23 tarik mynta u bnai ka la phah ka jingujor ba ki runar bym lah ban ithuh ki la tuh ka scooter jong ka kaba don u nombar ML-05AG-0836 na Lummawbah, Upper Shillong.
Ha kawei ka liang ki pulit ki la ïoh ka jingtip ba ha ka 23 tarik mynta u bnai ha ka por 3.3 baje mynstep, ki runar bym lah ban ithuh ki la tuh kawei ka scooter kaba don u nombar ML-05W-6877 kaba la long trai da u Bah Wannchwa-Da-O Laloo, napoh Civil Hospital, Ïalong (WJH).
Shuh shuh u Malek Ali u la phah ka jingujor ba ha ka 20 tarik mynta u bnai ha ka por kumba 2 baje nohphai sngi, ka thuk thuk jong u kaba don u nombar ML-08E-6920 la shem ba la jah noh ka ïew Chibinang (WGH).
