Shillong, Ïaiong 10 : U Myntri Rangbah ka Jyllla ba dei ruh u National President ka National People’s Party (NPP), Conrad K Sangma u la pyntip ba shen kin sa pynbna noh ïa u kyrtong ban aireng ha kane ka elekshon MP shiteng samoi bad kumjuh ruh na bynta ka elekshon MP Rajya Sabha
“Shen ngin sa shong noh ïa ka jingïalang bad na ka liang ka party kan sa pynbna noh ïa ki kyrtong ha baroh ar bynta,” ong u Myntri Rangbah haba kren bad ki lad pathai khubor. Haba jubab pat halor ka jingkylli u Conrad u la ong ba ka dei ka mon laitluid jong kiwei pat ki party ban rai halor ki kyrtong watla ki donlang ha kajuh ka sorkar.
Katkum ka jingong jong u, man la ki party ki don la ki jong ki nongrim treikam bad kumta ka dei ka hok jong ki ruh ban ïakhun laitluid ha kane ka elekshon namar man ka party ki don la ka jong ka rai ban shim.
