Ki stad wad bniah ki la ai jingmut ba ka Vitamin B3 ka lah ban long kata ka atiar bathymmai ha ka jingïaleh pyrshah ïa kita ki khñiang jingpang ba shyrkhei kum kata ka MRSA. Ki stad wad bniah ka US ki la shem ba ka vitamin B3, ba la tip ruh kum ka Nicotinamide, ka pynkhlaiñ ïa ka bor jong treikam ki immune cell (ki cell ba ïaleh pyrshah ïa ki khñiang jingpang) na ka bynta ban pynïap ïa ki khñiang jingpang Staphylococcus. Ka Vitamin B3 ka kyntiew ruh ïa ka jingdon bad ka bor treikam ki neutrophils, kiba long kita ki white blood cells ba pyniap bad bam ia kita ki khniang ba don jingma
Ka jingwad bniah jong ka Journal of Clinical Investigation, ka lah batai ba ka vitamin B3 la pyrshang ha kita ki briew ba ïoh ïa ki khñiang jingpang Staphylococcal infections, kum kata ka MRSA (Methicillin-resistant Staphylococcus aureus) kaba long kata ka jingpang ba shyrkhei bad lah ruh ban poi shaduh u pud jong u jingïap. Kum kine ki jingïohpang la shem hapoh ki hospital bad ki jaka ba ri bad sumar ïa ki khyllung-khynnah, tangba kane ka jingpang ka jur jur bha ruh hapoh ki phatok, ki shipai bad hapdeng ki riew kilan met.
Ki saiantis ka koit ka khiah ki la pyndonkam da kaba ai shibun bha kane ka B3, kata kham bun ban ïa kaba lah ban ïoh na kita ki jingbam tei met, ha kita ki jingleh tes jong ki ïa kiba la pynlong ha ki mrad bad kumjuh ruh ha ka snam jong u briew. Ki stad wad bniah ki la ong, watla katta ruh ym shym la don kano kano ka sakhi ban pyni ba ka Vitamin B3 ba ïoh na ki jingbam bad ki dawai kan lah ban ïada lane sumar ïa kita ki jingpang ba ïabit na ki khñiang jingpang. Ki stad wad bniah ki la ong ba ka Vitamin B3 la ïohi ba ka lah ban pynkylla ïa ki katto katne ki antimicrobial genes, pynkhlaiñ ïa ka bor jong ki immune cell na ka bynta ban pynïap ïa jait khñiang jingpang ha ka met.
“Ki antibiotics ki dei kita ki dawai baphylla, tangba ki ïakynduh ïa ki jingeh na ka por sha ka por na ka daw bor ïaleh pyrshah ki khñiang jingpang bapher bapher, khamtam eh ki jia tkhñiang jingpang Staphylococcus aureus. Kane ka lah ban plie lad ia ki stad ka koit ka khiah ban wad ïa ki lad kiba thymmaipyrshah ïa ki khñiang jingpang Staph infections kiba lah ban long kiba shyrkhei bha, bad lehse yn lah ruh ban pyndonkam bad kiwei pat ki dawai antibiotic ba mynta”.
“Ki neutrophils ki dei da shisha kita ki cell ba hakhmat eh ba ïaleh pyrshah ïa ka jingrung khñiang jingpang ha ka snam bad ka jingpyndonkam ïa ka nicotinamide la ïohi ba ka long kaba shngaiñ ïa mynta ban pyndonkam ha u briew ne ki nongpang naba ka dei kaba la dep ïoh laisen lypa.
Kane ka lah ban wanrah ïa kata ka jingkylla kaba khraw ha ki rukom ai jingsumar pyrshah ïa kita ki jingngat khñiang jingpang ryngkat ka jingpyndonkam ïa kita ki antibiotic ban ïarap ban pynkhlaiñ ïa kata ka bor ïaleh pyrshah ka met ki nongpang ïa ki khñiang jingpang Staphylococcus aureus.
