Nongstoiñ, Lber 22: Ka FKJGP Maweit circle hapoh ka jingïalam u bah Anthony Umiong President bad u bah Endrius Ryntong General Secretary Maweit circle, hadien ka jingïoh jingujor na ka liang ki paidbah nongïoh khaw rashon ka thaiñ Maweit ha ka 21 tarik, halor ka jinglap bad suba ba u dei u khaw plastic.
Kumta ka seng ka la leit ban ïakynduh bad ki ophisar ba dei peit ha kaba ki la pynshai sha ki nongïalam jong ka seng, ba utei u khaw um dei satia uta u khaw plastic u ba ki paitbah ki mutdur. Hynrei u dei uta u khaw ba la khleh lang da ki vitamin bapher bapher, u ba ai jingmyntoi ïa ka koit ka khiah jong ki paidbah nongbam bad um don jingktah satia ïa ka koit ka khiah kumba la mut dur da u ba bun balang.
Kumta ka seng ka buh ka jingkyrpad ïa ki bor ba dei khmih ïa ka bha ka mïat bad ka shong shngaiñ ki nongbam khaw, ban pynlong da kino kino ki lad jingpynshai, khnang ba ki paitbah kin ym sah ha ka um dum, namar kat haduh mynta ki paitbah ki dang sah ha ka um dum la yn bret ne yn bam ïa utei u khaw.