Shillong, Lber 30 : Ka ïing Bishar ba don burom jongka Nongbishar M.K Lyngdoh ka la rai ban set phatok haduh 30 snem kynthi ïa u Plen Mawlong namar ka jingthombor bad leh be-ijot jongu ïa la ka jongka khun.
Kat kum ka jingpyllait khubor u SP ka East Khasi Hills u bah Vivek Syiem u la ïathuh ha ka 16 tarik Nohprah 2013 ka Mawsynram Police Station ka la ïoh pdiang ka jingujor ejahar ba u Plen Mawlong u thombor bad leh be-ijot ïa la ka jong ka khun. Kumta la rejister case mar mar kat kum ka Mawsynram P.S Case No 39 (12) 2013 u/s 5(n)6 POCSO Act. Kumta ka jingtohkit ka la ïaid bad la kem ïa u Plen Mawlong. Hadien ba la dep tohkit la pynngat kyndon bad chargesheet Case No 1/2014 Dated 26.2.2014 ha ka kyndon 5(1) (n) 6 POCSO Act R/W 506 IPC. ïa u Plen la set phatok na ka bynta 3 bnai lai sngi ha katei ka por.
Ha ka 27 tarik Lber 2026 ka ïing Bishar ba donburom jong ka Nongbishar M.K Lyngdoh Special Judge POCSO ka la rai pynrem ïa u Plen Mawlong da kaba un hap ban shong phatok haduh 30 snem kynthih bad lada ym lah ban siew ïa ka kuna un dang hap bteng sah ha phatok sa hynriew bnai. ïa ka jingtohkit la khlieh da ka WPI B.M Marak kaba don mynta ha Crime Branch PS (ER) East Khasi Hills.
