Shillong, Lber 29 : U Archbishop ka Shillong Archdiocese, Archbishop Victor Lyngdoh ha ka sngi Saitjaiñ u la plie paidbah ïa ka madan futsal kaba dang shu dep shna thymmai ha Lawsohtun Block 2 kaba la ai kyrteng kum ka MW Futsal kaba long trai da u Bah Mitchel Wankhar.
Ha kane ka sngi la donlang ruh naduh u MLA bad Myntri Sorkar ka Jylla Bah Sanbor Shullai, nangta u Nongïalam ka Liang Pyrshah ha KHADC Bah Titos W Chyne, Fr. Richard Majaw, Rangbah Shnong ka Lawsohtun bad kumjuh na ka liang ki bahaiing ba hasem jong u Bah Mitchel bad kiwei kiwei.
Katei ka madan futsal kadei kaba la shna bad pynbiang lut ki jingdonkam la ka long naduh ka jaka khreh ki nongïalehkai, jaka peitkai, ka jaka ieng kali, ki jaka sum bad kiwei kiwei ki jingdonkam kiban pynsuk ïa ki nongïalehkai bad kumjuh ki nongwan kai.
