Kitbok ka NPPYF ïa ki samla ki ban sa leit ha ka 48th National Aquatic C’ship

Mawkyrwat, Naitung, 13: Ka National People’s Party Youth Front (NPPYF) da ka mynsiem jong ka jing-sngewsarong na ka bynta ka jingïai mih jong ki khun samla ha ka dong ka thaiñ bad ha Jylla Meghalaya baroh kawei kiba don ka sap ha kiba bun ki jait jingïalehkai, mynta ka kynti ki la ai ka jingkitbok kitrwiang na ka bynta ki khun samla jong ka Jylla ki ban sa leit ïa shimbynta ha ka 48th National Aquatic Championship Junior Category ka ban long ha Biju Patniak Swimming Pool-cum-Sports Complex Kalinga Stadium, Bhuba-neswar, Odisha ha ka 16 haduh 20 tarik u Naitung, 2022.
U bah Kitborlang Nongrem, u District President jong ka National People’s Party Youth Front (NPPYF) bad ruh kum u State President u la pynpaw ka jingsngew-kmen ban ïoh ïa kynduh ïa ki samla ki ban sa leit sha ka jingïakop sha kiwei de ki jaka jong ka Ri India kyrpang ïa ki ar ngut ki samla jong ka South West Khasi Hills District kata u Meban-san Sangma bad u James Anderson Khar-lyngdoh ha ka jingïadon u Secretary ka Swimming Association, u bah Welljune Nongsiej bad kumjuh ruh u bah Bajop Pyngrope, Spokesperson NPPYF.
Ka NPPYF kitbok na ka bynta Arm Wrestling Association jong ka Jylla Meghalaya kaba la sei ïa ki samla ki ban sa leit ïa shimbynta ha ka National Arm Wrestling Competition. “Ai ba ka jingleit ïa shimbynta jong ki kan long ka jingsarong bad ka jingjop ïa ki nyngkong bad kumjuh ruh ïa ka jylla”, u la ong.