Shillong, Rymphang 28: Ka Khun Hynniewtrep National Awakening Movement (KHNAM) kala dawa ia ka Sorkar Jylla ba kan pyntreikam ïa la ka jong ka jingpynbna (notification) ba pyndup noh ïa ka personal interview ha ka thungkam Groupd-D hadien ba ka Tnad General Administrative Department kala khot ïa ki kyrtong ban wan sha ka interview la 6 tarik Lber.
U Working President ka KHNAM Bah Thomas Passah ha ka shithi ba la aiti ha u Chief Secretary, ula pdiang ïa ka rai jong ka Sorkar ban pynduh noh ïa ki Interview ha ka thungkam Group-D, ka jingpynkylla kaba party kala ïai dawa na ka bynta ka kam Group-B, C bad D.
Ka seng ka ong ba ka long kaba lyngngoh ba ka Tnad GAD kala pynmih ïa ka jingpynbna laitkam kum ki room bearer, peon, sweeper bad cleaner ha Meghalaya House, New Delhi bad hadien phah ïa ki shithi ban wan sha ka interview.
Kat kum ka shithi, U Under Secretary ka GAD…ula phah ia ka shithi ba khot sha ka personal interview kaba la buh ban long ha ka 6 tarik Lber 2026, kaba long pyrshah ia ka jingpynbna bala pynmih da ka Sorkar ha ka 29 tarik Nailur 2025.
