Shillong, Rymphang 28 : Ka Trinamool Congress (TMC) mynta ka Sngi Saitjain ka la pynbna ïa ka list ba ar jong ki kyrtong jongka ki ban ïakhun ïa ka election MDC sha GHADC ka ban long ha ka 10 tarik Iaiong mynta u snem.
Ka TMC ka la pynbna ïa ki hynriew ngut ki kyrtong ha kane ka wat kaba ar bad kine ki long u Tening Ch Sangma na Wagesik, Sarbha R Marak na Barengapara, Sairil D Marak na Amongpara, Gamrik K Sangma na Nogorpara, Premanda Koch na Ziksak bad Ranisheanik Chenika C Marak na Shyamnagar.
Ka TMC kat haduh mynta ka la pynbna ia ki 20 ngut ki kyrtong jongka.
