Jowai, Rymphang 24: Ka Lion Y&SA kala jop da 7 Wickets ïa ka Moodymmai SU haka jingïalehkai mynta ka sngi 26-02-2026 haka jingïakhun jong ka District Cricket League 2026 bala pynïaid da ka West Jaiñtia Hills District Cricket Association.
Haka jingkynting pisa la jop da ka Lion Y&SA kaba la jied ban bol nyngkong. Ka Moodymmai SU haba wan ban tied nyngkong kala kamai ko 81 runs bad hap lut baroh ki wickets ha ki 20.3 overs. Kila don haduh 3 ngut ki nongtied jong ka kiba khlem ïoh run (0), katba u Ohdimon C Laloo ula kamai 14 Runs na ki 24 bol kynthup 3 tylli ki 4 Runs. U Kyntumiki Slong ula kamai 12 runs na ki 10 bol kynthup 2 tylli ki 4 run, katwa u Daoowan Passah ula kamai 12 run na ki 25 bol kynthup 2 tylli ki 4 runs. Ki nongkawang bol ka Lion Y&SA u Ebormi Rngad (C) ula ïoh ban khur 4 wicket na ki 5 over, katwa u Peterson Lamare ula ïoh khur 3 wicket na ki 5 over.
Ka Lion Y&SA haba wan ban beh ïa ka thong kala jop suk da kaba kamai 83 run bad hap tang 3 wickets ha ki 12.1 overs. U Nick Dann ula kamai 29 run na ki 27 bol kynthup kawei ka 6 runs bad 3 tylli ki 4 run, u Deibormi Rngad ula kamai 14 runs na ki 23 bol kynthup 2 tylli ki 4 run. U Teimiki Passah u nongkawang bol jong ka Moodymmai SU ula ïoh khur 2 Wicket na ki 4 Over.
Ïa ka nam Man of the Match la ïoh rah da u Nick Dan u nong ïalehkai ka Lion Y&SA uba la kamai bun runs.
Haba phai sha ka jingïalehkai kaba la long ha ka sngi Balang, ka Shangpung SC kala pynliem noh da 107 run ïa ka Evergreen Mukhla Mission SC.
Ha ka jingkynting pisa la jop da ka Evergreen Mukhla Mission SC kaba la jied ban bol nyngkong, ka Shangpung SC haba ba wan ban tied nyngkong kala kamai 177 runs bad hap lut baroh ki wicket na ki 31.1 over.
U Elvira Miwanvi Sayoo ula ïoh 37 Runs na ki 34 bol kynthup 4 tylli ki 4 Run. U Melamki Wann ula kamai 31 runs na ki 60 bol kynthup 4 tylli ki 4 run, katba u Dabiang Law ula kamai 28 na ki 48 bol kynthup 2 tylli ki 4 run.
Na ki nongkawang bol ka Evergreen Mukhla Mission bad u Shoristar Sumer (C) ula ïoh khur 3 wickets, katwa u Felixson Bang bad u Treibor Sana kila ïoh khur mar ar wickets na ki 7 overs.
Ka Evergreen Mukhla Mission SC haba wan ban beh ïa ka thong kala kamai tang 70 runs bad hap lut baroh ki wickets na ki 20 overs. U Winchester Tang bad u Dangahi Suna kila ïoh kamai mar 15 runs marwei.
U Rishot I Suchiang u nong kawang bol ka Shangpung SC ula ïoh khur 7 Wickets na ki 7 Overs katwa u Ebormi Laloo ula ïoh khur 2 wickets na ki 5 overs.
Ïa ka nam Man of the Match la ïoh rah da u Rishot I Suchiang u nong kawang bol ka Shangpung SC uba la ïoh khur bun Wickets.
La pyntip ka jingïalehkai ha kane ka sngi 27 tarik kan long hapdeng ka Chutwakhu CC pyrshah ïa ka PCC Phramer ha ka por 9 baje mynstep.
