Dang ap kaiphod ka sorkar jylla na ka WGC halor ka jingtyrwa ban wanrah jingpynkylla ha ka Sixth Schedule

Shillong, Rymphang 22 : Ka Sorkar Jylla ka dang ap ïa ka kaiphod jong ka Working Group Committee ha kaba ïadei bad ka jingtyrwa pynkylla ïa ka Scheduled Tribe kat kum ka Presidential Order 1950.
“Ka Sorkar lyngba ka jingpynbna ba 13 tarik Nohprah, 2024, ka la thung ïa ka Working Group Committee ban bishar ïa ka thup ki jaidbynriew Scheduled Tribe ha Meghalaya na ka bynta ban pynkylla ïa ka Part-XI jong ka Schedule jong ka Presidential Order 1950, kaba ïadei bad ka Jylla Meghalaya ba la khot ka “Constitution Scheduled Tribes Order 1950”. Kane ka kynthup ïa u Chairperson, Member Secretary bad phra ngut ki dkhot” ïathuh u Myntri Rangbah Conrad K Sangma haba ai jubab hapoh ka ïing Dorbar Thaw Aiñ.
Ka Committee ka la pynlong haduh lai sien ki jingïalang haduh mynta-ha ka 5 tarik Rymphang, 15 tarik Jymmang bad 14 tarik Nailar, 2025.
Halor ka por ban ioh ia ka kaiphod,u Conrad ula ong ba kane ka kam ka dang ïaid mynta bad ym pat pynthikna ïa ka tarik ban pynlait ïa ka.