Jowai, Rymphang 21: Ka Nongtalang United Welfare Organisation mynta ka sngi saitjaiñ 21 tarik kala pynlong ïa ka jingïalehkai 2nd Maruti Cricket Tournament, haka jingïakhun ba nyngkong hapdeng ka War Jaiñtia XI pyrshah ïa ka Pynkuilang.
Ha kane ka jingïalehkai ka War Jaiñtia XI ka la jop da kaba buh target 140 run bad duh noh 6 wicket, katba ka Pynkuilang ka la ïoh kamai tang 138 run hap lut ki Wickets. Ïa ka Man of the Match la ïoh da u player ka War Jaiñtia XI u Treiu L. Gadew da kaba kamai 50 run.
Katba ha ka por 1 baje nohphai sngi ka jingïalehkai kaba la long hapdeng ka War Titan pyrshah ïa ka Laweibaphyrnai CT, ha kane ka jingïakhun la jop da ka War Titan kaba la ïoh ban kamai 153/7 katba ka Laweibaphyrnai CT ka ïoh khur tang 114/7 bad ïa ka Man of the Match la ïoh da u Raju Nayak 4.0-1-27-2 uba dei u player jong ka War Titan.
La pyntip ba ka jingïakhun ban wan kan long ha ka 21 tarik Saturday ha ka por 12 baje hapdeng ka Team Kusi CT vs Friend United. Kane ka long katkum ka kyrwoh bala phah da u Organising Secretary ma Sylverstar Pohrmen.
