Shillong, Rymphang 20: Ka Khasi Hills Autonomous District Council ha ka sngi khatduh jong ka dorbar mang tyngka kala pass noh ïa ka Khasi Hills Autonomous District Council Member Pension Repealing Bill, 2026.
Ïa kane ka Repealing Bill, 2026 ne ka Bill ban pynduh noh ïa ka jingsiew bai bam tymmen ki MDC barim la wanrah da u Executive Member ba peit ïa ka tnad Finance u Bah Seibor Warbah.
Ha shwa ban pass ïa kane ka Bill ym shym la don ki dkhot jong ka ïing dorbar ki ban ïa shim bynta ha ka jingïakren ha kaba iadei bad kane ka Bill.
Kane ka jingbym ïa shim bynta jong ki dkhot ka ïing dorbar ka KHADC ka dei shi bynta jong ka jingburom ia ka jingkhlad noh u MP ka Shillong u (L) Dr Ricky AJ Syngkon.
