Tang 73 tylli ki Trading License ba thymmai ai ka EC ba la ïalam da ka VPP ha KHADC

Shillong, Rymphang 18: Ka Executive Committee (EC) kaba la ïalam da ka Voice of the People Party (VPP) hapoh hapoh u pud u sam jong ka Khasi Hills Autonomous District Council (KHADC) kala ai Trading License kaba thymmai sha ki 73 ngut ki bar jylla.
Ïa kane la pyntip da u Chief Executive Member (CEM) u Bah Winstone Tony Lyngdoh ba dei peit ia ka Trade ha KHADC haba jubab ïa ka jingkylli u Bah Ricky Shullai u MDC ka Laban-Mawprem.
Na kine ki 73 tylli ki Trading Licenses, 5 tylli kidei napoh jong ka Laban-Mawprem constituency bad na ka liang u Bah Ricky u la pynpaw ka jingsngewkhia halor kine ki 5 tylli ha kaba u la pan ruh ka jingtip ba bniah ïa kine ki san tylli kiba la ïoh ka Trading License na u CEM.
Na ka liang u CEM u la ai ka jingïaroh ïa ki Dorbar Shnong jong ka Laban-Mawprem constituency kiba la ia trei shitom ban teh lakam bad pyrkhing ha kaba ïadei ban ai No Objection Certificate (NOC) ban ïoh Trading Licence.
Ha kaba ïadei bad ka North Eastern Security Services kaba la ai Trading Licenses ban pyntrei kam ha Laitkor, hynrei kila pyndonkam bakla ban ïoh kam ha NIFT, Sohra bad ïa kane ka council kala pynduh noh ïa ka license la iathuh u CEM.