Shillong, Rymphang 18 : Ka Garo National Council (GNC) ka la pyllait shwa 7 ngut ki kyrtong na ka bynta ka elekshon MDC ha Garo Hills Autonomous District Council (GHADC), kaba la buh ban long ha ka 10tarik u Ïaiong mynta u snem.
Kine ki kyrtong ki kynthup ïa u Augustine R Marak – Silkigre, Nikman Ch Marak – Rongrikimgre, Jakrak A Sangma – Amongpara, Deson Marak – Dengnakpara, Geobar B Marak – Asanang, Sengba D Sangma – Rongrong bad u Chibasai Lampard R Marak na Williamnagar.
“Na ka liang ka party ka dang plie ka jingkhang na ka bynta kito ki kyrtong kiba kwah ban aireng ha kane ka elekshon na ki constituency kiba dang lait,”ong u Vice President ka GNC u Henyshing A Sangma ha ka kyrwoh khubor.
