Shillong, Rymphang 17 : U Myntri ka Tnad rep Timothy D Shira ula ïathuh hapoh ka ïing Dorbar Thaw Aiñ ba ka Jylla ba ka rep tynrai khlem sboh dawai ne organic farming ka la kiew bha namar la pyndonkam ïa ka jaka rep haduh 24,261.09 hectare ban rep kat kum ka Meghalaya State Organic bad National Farming Policy.
Haba jubab ïa ka jingkylli ha ka sngi Ba-ar, u Shira ula ong “Ka jaka rep baroh lang ba la pynhap hapoh ka Meghalaya State Organic bad National Farming Policy ka long 24261.09 ha.” Ula bynrap ba 3750 hectare ka jaka rep la pynhap hapoh ka National Farming Policy 2023.
