Nongstoiñ, Lber 22: Ka kynhun ïalehkai phutbol jong ka Ryntih Sports Club ka la pynliem ïa ka Kith United FC ha ka jingïalehkai Quarter Final Football, kaba la sdang ban bteng biang hynne ka sngi ha madan Mawkynjoiñ Laitkseh. Haba hiar sha madan ïalehkai, ki rang ïalehkai na baroh arliang ki la ïalehkai bha shikatdei bad ki la ïoh ban thep ruh mar shi kol. Kine ki kol ki dei kiba la thep shwa da u Shano Tariang na ka bynta ka Kith United. Hynrei la pynphai pat da u Reson Malngiang na ka bynta ka Ryntih SC.
Ka jingïalehkai ka la long kaba itynnad bha bad kat haduh ba kut noh ka por ym shym la don shuh ban thep ïa ka kol ban pynjop. Kumta na ka liang u nongpynïaid u la pynïaleh da ka tie breaker, ha kaba na ka liang ka Ryntih SC ka la jop ïa ka Kith United FC da lai kol la kawei. Ka jingialehkai kaba bun jong kane ka lympung ha madan Mawkynjoiñ Laitkseh, kan dei ka semi final kaba nyngkong eh ha kaba ka Ryntih SC kan ïakhun pyrshah ia ka YBSC Shella ha ka 30 mynta u bnai ha ka por 2 baje noh phai sngi.
