Shillong, Naitung 11 : U Bah Commander Shangpliang uba dei u Producer bad kumjuh ruh u Director jong ki phlim Khasi, u la shah jied biang kum u Nongïalam, President jong ka seng ki nongshna phlim ka Meghalaya Film Makers Association (MefilMA).
Lah ban kdew hangne ba u Bah Commander Shangpliang udei uwei na ki nongseng bad u la bat ïa kane ka kam President naduh ba la seng ïa ka.
Ka kong Simi Khongtiang kaba dei kawei na ki Director kaba la shna bun tylli ki phlim kata kumba 19 tylli ei ei ka la shah jied kum ka Vice President katba ka kong Lucky D Kharsatia kaba la pynmih bun tylli ki phlim khasi ka la shah jied kum ka General Secretary.
U Bah Hilar Kharbihkhiew uba dei u Producer bad ha ka juh ka por kum u Actor jong ka phlim ka ban sa mih shen ka Ahor u la shah jied kum u Assistant General Secretary bad u bah Kenny O Lyngdoh uba dei u Producer jong ka phlim kaba dang shu pynmih shen ha cinema ka 14/8 u la shah jied kum u Finance Secretary.
