Jowai, Rymphang 09: U Symbud Myntri Rangbah ka sorkar jylla uba dei ruh u MLA ka 1-Nartiang Constituency u ma Sniawbhalang Dhar ula ai aiti syndon da ka pisa kaba ?7 lak tyngka sha ka Sports Club ka shnong Mynkrem na ka bynta ban pynbha ïa ka madan phutbol.
Da kane ka jingïoh ïarap pisa ka shnong kan sa ïohlad ban pynbha ïa katei ka madan ïalehkai naduh ki Goalpost bad kiwei de ki jingdonkam, ban pynlong ïa ka madan kaba shngaiñ bad kaba biang na ka bynta ki jingïalehkai bad ki Tournament bapher bapher.
Halor kane na ka liang ki Members ka Mynkrem Sports Club kila pynpaw ïa ka jingsngewnguh kaba khraw ïa u Symbud Myntri rangbha ma Sniawbhalang Dhar, da kaba ong ba kane ka jingïarap pisa jong u ka wan hadien ka jingpynsngew jong ki sha u MLA ban pynbha ïa ka kam ïalehkai Sports bad ban kyntiew ïa ka jingïalehkai phutbol hapoh katei ka shnong.
Shuh shuh kitei ki dkhot ka Sports Club ki la ai khublei kyrpang ïa u ma Sniawbhalang Dhar uba la kloi ban sngewkhia ïa kane ka jingdawa na ka bynta ki khun samla ka thaiñ haka kam ïalehkai Sports.
