Shillong, Rymphang 06: U Chief Executive Officer ka Shillong Municipal Board mynta ka sngi la pyntip paidbah ba ki trai ïing kiba hap hapoh ka jingpeit jong ka board ki lah ban siew noh ïa ka khajna bai ïing online.
La ong ba la leh ïa kane ka long ban pynsuk ïa ki paidbah ban lait na ka jingïeng laiñ ba jrong ban wan siew ïa ka khajna bai ïing jong ki kaba ki hap ban siew sha ka Shillong Municipal Baord kane jingphah siew online kan ïarap ïa ki trai ïing.
Kito ki trai ïing kiba hap ban siew ïa ka khajna bai ïing kin leit sha kane ka website through http://smb.gov.in lane kin shu shondur dur ïa ka QR code kaba la don ha ka jaka ban siew ïa ka khajna.
Ka jingsiew ïa ka khajna lah ban leh na ka Debit ne Credit card ne ka Net banking kumjuh da ka UPI bad kan nym don kano kano ka jingkhate haba siew online ka jingkhate kan long tang ïa kato ka dor ba la buh kane ka long katkum ka kyrwoh kaba la phah da u CEO ka SMB.
