Shillong, Rymphang 06: Ka Meghalaya State Disaster Management Authority (MSDMA) ka la pynbna ba kan pynlong ïa ka Multi-State Mock Exercise ha ka 9 tarik Rymphang, ha Mawphlang, East Khasi Hills district.
Ïa kane ka jingpynkhreh la pynlong ha ka jingïatrei lang bad ka District Disaster Management Authority (DDMA) bad kumjuh ruh ka National Disaster Management Authority (NDMA).
“Ïa kane ka mock drill la pynlong kum shi bynta jong ka jingpynkhreh ka Jylla ïa ki jinglynshop ki bor ka mariang, ki jingthmu ban ai jinghikai pyntbit bad ban pynkhlaiñ ïa ka jingïatreilang hapdeng ki tnad bad ki lad jingïarap ha ka por ba don ki jingjia ba shyrkhei,” ong ka khubor na ka sorkar.
Kane ka mock kan long ha ki jaka bapher bapher ha Mawphlang, kynthup ïa ka JNV Mawphlang, ka Dam GSWS Mawphlang, ka ïew Mawngap, bad ka shnong Mawkohmon, nalor kiwei kiwei.
Ki jaka ban buh ha ka por ba pynlong ïa ka jingpynkhreh lypa ki kynthup ïa ka Medical Aid Post, ka Incident Command Post, bad ka Relief Camp ha ki jaka ba la buh kyrpang.
