Shillong, K’ Lyngkot 31: Kawei ka longkmie kaba shong ba sah ha nongbah Shillong ka la phah ka jingujor ba ha ka 22 tarik mynta u bnai, ka la ïohpdiang ka jingshah phone ha uwei u Jasvinder Singh Gill, uba la kam ba udei u Army officer bad u la pyntip ruh ba u kwah ban die ïa ka scooter jong u kaba don u nombar ML-05S-3337. Utei u nong phone u la kyntu ïa katei kaba la ujor ban siew shwa ka pisa kumba T. 3,000/- kum ka advance, ha kaba katei ka longkmie ka la mynjur. Hynrei kham hadien utei uba phone u la dawa shuh shuh ka pisa bad u la byrngem ruh ba un ym ai shuh ïa katei ka scooter, lada kam lah ban siew ïa ka pisa kaba u la dawa na ka.
