Shillong, Lber 22 : Ka BJP ka la thung ïa u nongïalam jongka uba long mynshwa u Myntri sorkar u bah AL Hek kum u Chairman ka Central Scheme Monitoring Cell (CSMC).
Haba pyntip ïa kane, u President ka BJP u bah Ernest Mawrie u la ïathuh “ La thung ïa u bah Hek ha kane ka shuki khnang ba un peit bad bud dien ba dei ban pyntreikam hok ïa ki skhim ka sorkar pdeng da ki tnad sorkar bapher bapher bad kumjuh ruh da ki District Council.
U la ïathuh, nalor ba ka sorkar pdeng ka la ai ïa ki skhim pynroi bapher bapher sha ka sorkar jyla bad kat kum ka 15th Finacne Commissioner ka la ai bhah ruh sha ki lai tylli ki Autonomous District Council kata ka KHADC, JHADC bad GHADC. Kumta mynta ka dei ka kamram jong u Chairman ka CSMC ban bud dien bad bishar bniah la ka don ne em ka jingpyntreikam hok ïa ka pisa ba la pyllait da ka sorkar pdeng.
