Shillong, Jylliew 24 : Ka sorkar ka la pynkhreh ban tei noh kumba 9 tylli ei ei ki jingkieng dewbilat ha ri lum Garo khamtam ha kito ki jingkieng dieng kiba la shah rong noh ha ka umsaw ha kine ki khyndiat sngi.
U Symbud Myntri Rangbah uba dei peit ïa ka tnad PWD u bah Prestone Tynsong ula ïathuh ba ka sorkar shen kan sa khot tender noh ban tei ïa kitei ki jingkieng namar ka pisa la dep don lypa.
U la ïathuh “Ha u snem ba la dep ka sorkar kala mang pisa na ka bynta 10 haduh 12 tylli ki jingkieng namar ngi la don jingthmu hi ban shna da ki jingkieng dewbilat ha ki jaka ba don ki jingkieng dieng.Ym shym poi pyrkhat ban jia noh kane ka jingjur slap kaba katne katne mynta u snem kaba la pynlong ïa ki wah ba kin kiew da ki bun bun shah bad rong syndon ïa ki jingkiengdieng. Kumta ka sorkar kan pynsted noh ban tei khnang ban ym shah ktah jur ki paidbah”.
