Shillong, Risaw, 30: Ka Kashari Special Judge POCSO, East Jaiïtia Hills District ka la pynmih ïa ka hukum ban phah set along khyndai snem, phra bnai bad 27 sngi ïa u Ruling Bamon hadien ba la rai pynrem bad ai jingpynshitom hapoh ka Section 6 jong ka POCSO Act bad daiñ kuna T.30 hajar.
U kyrwoh ba la phah da u Superintendent of Police ka East Jaiñtia Hills ha ka sngi Balang u la pyntip ba ki Pulit ki la register case ha Khliehrlat Police Station katkum ka Case No. 164(09)2018 hapoh ka Section 5 (l), (m), (n)/6 jong ka POCSO Act bad ïa ka jingtohkit la bynshet ha ka WPI O .Tyngkan. Hadien ba la pynlong ïa ka jingtohkit kaba bniah la pyngat kyndon katkum ka Case No. 122/2019 ha ka 31 tarik, Risaw, 2019.
“Hadien ba la pyndep pura ïa ka jingtian bishar, ka Kashari Special Judge POCSO, East Jaiñtia Hills ka la lap ba u Ruling Bamon u dei uba donkti ha ka kam runar bad rai pynrem da kaba hukum set along khyndai snem, phra bnai bad 27 sngi ïa u Ruling Bamon katkum ka jingpynshitom hapoh ka Section 6 jong ka POCSO Act bad daiñ kuna T.30 hajar,” la pyntip u SP.
