Khapmara, Nailar, 06: Ka jingtrei ban tei ïa ka jingkieng ïaid kali kaba thymmai ha Dwar Ksuid ha Ri Bhoi District ka la sdang bad ka jingmang pisa ban shna ïa kane ka jingkieng ka long T.9.70 klur tyngka.
Ka jignkieng kaba la pyndonkam ban ïaid ki kali ha katei ka surok Shillong Bye Pass ka dei ka jingkieng kaba rim jong ka surok rim kaba mynshuwa da ka jingdon ïa katei ka surok kaba thymmai ki kali kiba ïaid lyngba katei ka surok kila kit palat ïa ka bor jong katei ka jingkieng.
Katei ka jingkieng kala orpait bad kala pynlong ruh ïa ka sorkar ban shna ia a jingkiengnar hynrei ka jingkiengnar ruh kala kdiah bad ka sorkar pdeng lyngba ka tnad shna surok kala mang pisa thymmai ban shna ïa kane ka jingkieng kaba thymmai ka ba la kot sha ka T.9.70 klur tyngka.
Ka tnad shna surok jong ka sorkar jylla kala buh kyndon ïa ki kali ban kit mar ban ïaid lyngba kane ka jingkieng bad la buh ruh ïa ki pulit ban peit ba ka jingïaid ki trok kit mar kin ïaid kawei kawei ban lait shah ktah katei ka jingkieng kaba la sator mynta.
