8,805 ngut ki runar ba la shah kem halor ki kam pyntriem bapher bapher : Lahkmen

Shillong, Nailur 14 : Kumba 8,805 ngut ki runar ki la shah kem kiba donkti ha ki kam pyntriem bapher bapher kynthup ïaki kam thombor bad leh beijot ïaki kynthei khynnah ha kine ki san snem ba la leit noh . ïa kane la ïathuh da u myntri ka tnad kam pohïing ka jylla u ma Lahkmen Rymbui haba jubab ïa ka shor duration discussion ba la wanrah da u MLA ka Umroi Constituency halor ka shongsuk shongsaiñ hapoh ka jylla.
U ma Lahkmen ula pynpaw ka jingdiaw halor ka jingkiew ki kam pyntriem namar la jan 3000 tylli ki case la rejister man la u snem ha kine ki san snem. Kine ki case ki dei ki kam pyniap briew, rahbor, leh thombor bad leh beijot ïaki kynthei khynnah, kam khaïi drok, ki kam khaïi dewiong beaiñ bad ter ter.
Ha u 2018 la rejister 3,53 tylli,2019 3885, 2020 3735, 2021 3425 bad 2022 haduh mynta 2291.
U la ong kine ki kam runar ki ïai jia namar kiba bun ki daw, kiba lah ban long na ka kamai kajih, ki kam shimet ki briew ne ki kam ha ka imlang ka sahlang ruh bad ym lah ban tip ha kano ka por ki jia wat la ki pulit ki la pyrshang ban trei shitom ruh ban warnah ka shongsuk shongsaiñ hynrei kine ki kam runar ki ïai jia. U la ong ruh ba ki pulit ki la trei shitom bha haka jingtohkit namar ha kine ki san snem kiba la shah pynngat kyndon aiñ ki don haduh 5683 ngut na ki 8805 ngut ba ki la ïoh ban kem.
Ha kaba ïadei bad ki kam thombor bad leh beijot ïa ki kynthei ula ong naduh u 2018 haduh mynta ki la don 1267 tylli ki case ba la rejister bad kumba 408 ki dei ki kam thombor ïaki khynnah rit. 1542 la rejister ha ka kyndon aiñ POCSO naduh u 2018. Kane ka jingshah thombor ki kynthei khynnah ka long ka kam kaba ka sorkar ka shim khia bha namar ki runar ki shim kabu ïaki khynthei khynnah bapli. La kine ki kam i kumba kila nang kiew hynrei tang kawei pat ka long ba kito kiba donkti ki shah kem bad shah pynshitom beit kat kum ka aiñ bad bun kiba ngat ha ka POCSO. Ki la don 1260 ngut kiba shah kem namar ki thombor ïaki kynthei khynnah bad 1357 ki dei kiba ngat ha ka kyndon aiñ POCSO.