Mawkyrwat, Jylliew, 19: Ka ophis jong u Executive Engineer PWD (Roads), Ranikor Division, South West Khasi Hills District ka ïa ka jingpyntip paidbah ba na ka daw jong ka jingdkut bad shah rong ka jingkieng ne ka ‘BUG bridge No. 76/2’ kaba long ka lynti ïaid kali ba ïa mynta yn khang shwa shipor.
Kane ka jingkhang shipor ban ïaid kali ka kynthup ïa baroh ki jait kali kiba ïaid na ka surok Mawphlang-Balat-Gumaghat-Maheskhola (MBGM), South West Khasi Hills District tat haduh ban da pynmih da kawei pat ka hukum.
Kumjuh ruh na ka daw jong ka jingjur ka jinghap khyndew ha ka surok 8 Mer bad ka jingshah rong ha ka um saw jong ka ‘Semi-permanent’ ka jingkieng dieng kaba No. 25/2 bad tap um ha ka surok kaba dei ïaid na Mawphlang-Balat-Gumaghat-Maheskhola (MBGM) ïa kane ruh la hap ban khang shwa shipor ïa ka ïaid ka ïeng jong ki kali.
Namarkata, ka ophis ka pyntip ruh ba haduh mynta ka dang pyrshang ban maramot ïa katei ka jingkieng bad ban pynkhuid ruh ïa ka khyndew khnang ban nym buh jingeh ïa u paidbah ba bun balang.