Jowai, Naitung 31 : Ka West Jaiñtia District Badminton Association (WJDBA) Jowai shen kan sa pynlong ïaka ‘13th District Badminton Tournament 2022’ bad kane ka lympung ka long tang na ka bynta ki rangïalehkai kiba don hapoh ka Ri-Lum Jaiñtia.
Na ka liang ka Association ka khot bat wer ban wan ïashim bynta ha kane ka jingïalehkai Badminton, ka ban sdang naduh ka 8-8-2022 haduh ka 13-8-2022, haka por 6 baje janmied ha Indoor Hall ka Seiñ Raij Jowai, kaba don ha Tpep-pale (Madan Ryngkaw) Jowai.
La pynbeit na ka bynta ki kyrdang jong ki nongïalehkai kin long ha ka Open for Men & Women Single/Doubles, Mixed Doubles, 35+ Men Singles/Men Doubles bad ka 55+ Men Single & Men Doubles.
Ka tarik ba khadduh ban pynpoi ïaki kyrteng kan long haka 4-8-2022 hapoh ka por 7 baje janmient, khnang ba ka Tournament kan long kaba ïaidbeit ïaidryntih ka Association kala kyntu ïa baroh ki nongïashim bynta ba kin bud thik ïaka por sdang bad ban ai jingtip biang por hapoh ka 6 baje janmied, kiba wan hadien kane yn ym lah ban pdiang shuh.
La ïathuh kino kino ki bym lah ban wan hapoh ka por bala buh, ka Association ka lah ban weng noh ïaki naka kane ka Tournament, baroh ki nongïashim bynta kidei ban ïatrei lang bad ka Association, ïaki jingtip ba kham bniah phi lah ban phone ha u ma Richard Mylliem Tournament Secretary: 9436566773 bad ha u Chairman ka Tournament Committee ma Teddy Laloo-9378194223.
