SHILLONG, Naitung 28: Ka long kaei kaei kaba sngew sarong ïa ka jylla Meghalaya bad ïa ka District Eastern West Khasi Hills District, ha kaba 7 ngut ki khynnah ïalehkai ba na ka shnong Mairang kiba ïa shimbynta ha ka lympung ïakhun kaba la tip da ka 1st National Kun Khmer Championship 2025 ki la lah ban khur 7 tylli ki takma. Kane ka Championship, ka la long ha Peddem Stadium, Mapusa, Goa bad ka la sdang naduh ka 25 tarik haduh ka 27 tarik Naitung 2025.
Ka ba pynsngew sarong shuh shuh ka long ba na pdeng kine ki 7 ngut tang ka Hazel Christina Ripnar ba dei ka khynnah kynthei ba mih khmat ïa ka jylla lyngba ka Meghalaya Martial Arts Federation ban jop takma ha katei ka lympung, ha kaba ki la khur 5 tylli ki takma ksiar bad 2 tylli ki rupa,
Ki kyrteng jong ki nongjop ki long: Obinas warjri, Pynshailang Kharsyntiew, Damangpura L. Mawlong, Ialamjingshai Lyndoh Mawlong, bad ka Hazel Christina Ripnar ki la khur takma ksiar. U Malvin L. Marshillong bad u Tailingstar Ryntathiang ki la jop takma rupa.
